Komentoj por La Blogo de Maria

Komentoj pri Klukante klaĉe de La Grafo

La Grafo — Fri, 06 Nov 2009 20:02:12 +0000

Bone, ĉio estas tiel. Ĝeneraligita aŭ ne.
Sed atente tralegante skribaĵon kaj komentojn mi demandas min:
Renkontante amikojn, kion mi devas paroli? Pri la vetero kaj lasta parolado de ĉefministro? Helpu min!

Komentoj pri Klukante klaĉe de Bertil Wennergren

Bertil Wennergren — Tue, 03 Nov 2009 20:03:39 +0000

Pri la tre dubinda esploro (aŭ la tre dubinda raportado pri tiu esploro) de Brizendine legu ĉi tie:

http://itre.cis.upenn.edu/~myl/languagelog/archives/003841.html

http://itre.cis.upenn.edu/~myl/languagelog/archives/003836.html

Komentoj pri Klukante klaĉe de Ken Miner

Ken Miner — Tue, 03 Nov 2009 17:49:40 +0000

Psikiakrino Luan Brizendine ekzamenis la demandon antaŭ kelkaj jaroj (The Female Brain, 2006) kaj trovis, ke virinoj ja parolas (multe) pli ol viroj. Ŝia esploro siatempe estis ĝenerale akceptata, ĉar la esploro ŝajnis science solida. Sed pasintjare estis alia esploro, raportita en la revuo Science, trovanta proksimume saman parolemon de la du seksoj. Nun oni ne scias, kion kredi.

Komentoj pri Klukante klaĉe de Maria

Maria — Tue, 03 Nov 2009 16:45:22 +0000

Sendube mi ĝeneraligas kaj simpligas, kaj mi nenion alian ŝajnigas. Temas pri blogaĵo, ne disertaĵo

Pri tio ĉu viroj aŭ virinoj pli parolas ĝenerale mi neniam pensis, verŝajne ne estas granda diferenco. Sed ja estas diferenco en tio en kiu kunteksto viroj aŭ virinoj parolas pli, kaj pri tio oni faris sciencajn esplorojn, ekzemple pri klasĉambraj situacioj. Kaj jes, vi tute pravas pri tio ke ofte oni simple serĉas konfirmon pri siaj propraj antaŭjuĝoj kaj (mis)komprenas la situacion surbaze de ili. Tio tamen ne signifas ke antaŭjuĝoj ĉiam estus senbazaj, ofte ili male estas postjuĝoj.

Komentoj pri Klukante klaĉe de Bertil Wennergren

Bertil Wennergren — Tue, 03 Nov 2009 11:09:50 +0000

Mi estas iom konsternita pro la multaj ĝeneraligoj kaj simpligoj en tiu teksto. Ofte okazas, ke oni aparte rimarkas aferojn, kiuj kongruas kun la kutimaj antaŭjuĝoj, dum oni lasas multajn nekongruajn okazojn preterpasi sen lasi spurojn en la memoro. Ekzemple multaj estas konvinkitaj, ke virinoj parolas multe pli ol viroj, kaj multaj estas imagas vidi (nu, aŭdi) klarajn konfirmojn de tio ĉiutage. Sed sciencaj esploroj montris, ke temas pri forte enradikiĝinta malveraĵo. Se estas diferenco inter viroj kaj virinoj tiurilate, tiam parolas iomete pli… la viroj! Sed ĉiufoje, kiam virino paroladas multe, oni emas en tio vidi (aŭdi) konfirmon de la ŝablono, dum oni ne multe atentas okazojn, kiam iu virino silentas.

Mi mem pensas, ke viroj klaĉas almenaŭ same (mal)multe kiel virinoj. Sed estas kredeble vere, ke pli da viroj paroladas pri piedpilkado, dum pli da virinoj paroladas pri kuirado kaj pri beboj. Nu, eble ili ĉiuj simple supozas, ke ili tiel devas konduti por ne impresi nenormalaj…

Komentoj pri Klukante klaĉe de Maria

Maria — Mon, 02 Nov 2009 08:41:59 +0000

Dankon pro via rakonto, Ken. Se daŭrigi la ĝeneraligajn diskutojn (ĉar ja mi ĝeneraligas kaj troigas kiam mi priskribas virajn respektive virinajn paroltemojn), eble oni povas diri ke inoj estas pli konversacie kapablaj, kaj do pli bone scias kiujn temojn iniciati kaj por viroj kaj por virinoj? Eble tial, cetere, unu vira kioskvendisto (do eĉ ne frizisto!) pasintsemajne tute eksterteme kaj en malĝusta loko komentis mian harstilon. Lia penso estis verŝajne igi min pli aĉetema, sed la efiko estis mala

Komentoj pri Klukante klaĉe de Ken Miner

Ken Miner — Sun, 01 Nov 2009 22:55:56 +0000

Ĉe viroj temas oftege pri sporto. Dum multaj jaroj mi frekventis ĉiam la saman barbiron (ĉar oni alkutimiĝas ĉu ne); ĉe li kutime estis grupo da sportamantoj. Por iel eviti tutan silenton mi eĉ parkerigis kelkajn svagajn observojn: “Multe pli bone ol pasintjare!” (se la teamo venkis) aŭ “Nu, ili fartos pli bone venontjare” (kiam la teamo malvenkis). Kutime mi eĉ ne sciis, pri kiu sporto temas, se diri nenion pri la teamoj.

Nuntempe mi lasas tondi la hararon ĉe ambaŭseksa salono, kie hartondas nur virinoj. Multe pli agrable, fakte. Oni ne babilas senĉese pri sportoj; la virinoj ja interklaĉas, sed tute ne atendas ke mi partoprenu, do mi sidas trankvile, ĝuante la melodiajn voĉojn, kvazaŭ en lando, kies lingvon mi ne komprenas. Kaj iafoje — mirabile dictu! — unu el tiuj virinoj kapablas konversi pri io interesa kun viro. (Mi dubas, ke la inverso iam okazas.)

Do resume — mi persone pli toleras virinan babiladon, ol viran.

Komentoj pri La vivo estas gusto kaj koloro de Maria

Maria — Sat, 24 Oct 2009 19:41:17 +0000

Dankon pro la komento! Jes, tiuj kiuj kredas je Dio danku lin / ŝin, ceteraj eble simple la vivon!

Komentoj pri La vivo estas gusto kaj koloro de Sennoma

Sennoma — Sat, 24 Oct 2009 18:06:46 +0000

Dankon, Maria, ke vi verkis tiel sencoplenajn vortojn! Fakte, ĉiu kreitaĵo ŝajne nur sukcesis laŭlonge de vivevoluado ĉar ĝi posedis taŭgajn sentilojn. Ni estu dankaj ĉiumomente al Dio, tiuj kiuj povas kalkuli je siaj sentumadamikojn, ĉu ne?

Komentoj pri Nemaltrafinda muziko de Roberto

Roberto — Thu, 15 Oct 2009 18:51:37 +0000

Ŝi vere kantas anĝele kvazaŭ niaj birdoj en Pantanal. Ŝia voĉo kaj melodio kreas imagojn en nia menso kaj ni vojaĝas antaŭe en tempo ĝis la tagoj kiam ni estis junaj aŭ infanaj.
tourguide@cuiaba.net